समग्र देशको सामाजिक आर्थिक तथा सांस्कृतिक रुपान्त्ररणका लागि सहकारीको भुमिका एकदमै महत्वपूर्ण रहेको छ । सहकारीका माध्यम बाटनै समुदाय र समुदायमा रहेका व्यक्तिहरुको आर्थिक सामाजिक, सांस्कृतिक तथा भौतिक कृयाकलापमा प्रत्यक्ष संलग्नता सहित सो कार्यका लागि आवश्यक पर्ने सम्पूर्ण आधारभुत कुराहरुको संकलन तथा व्यवस्थापनको कार्य सहकारीका माध्यमबाट गर्न सकिने हुनाले सहकारी एउटा विकासको आधारनै मान्न सकिन्छ । तेति मात्र नभई संविधानमानै आर्थिक खम्बाको एउटा पाटो सहकारीलाई मानिसकेको अवस्थामा सहकारीले दिगो विकासका लागि गर्न सक्ने धेरै कार्यहरु रहेका छन । यसै कुराहलाई मध्यनजर गर्दै विभिन्न पेशा व्यवसाय गरि आ–आफ्नो क्षेत्रमा सफलता हासिल गरि सकेका समाजका लागि केहि योगदान सहित सामाजिक रुपान्त्ररणको एक संवाहक बन्ने हेतुका साथ जम्मा ३० जना व्यक्तिहरु मिलेर विधिवत रुपमा भुमि व्यवस्था, कृषि तथा सहकारी मन्त्रालय बाग्मति प्रदेश, मकवानपुर, हेटौडामा मिति २०७८।०४।२९ गते शुक्रवारका दिन यस मर्यादित बहुउद्देश्यीय सहकारी संस्था लि. को स्थापना भएको हो । सहकारीहरुको भिडमा आफुलाई सहकारीको सिद्धान्त, मुल्य, मान्यता तथा निति नियमहरुको अधिनमा रहि सदस्यहलाई प्रत्यक्ष रुपमा उत्पादन, प्रशोधन, बजारीकरण तथा उपभोग सम्मको प्रकृया संस्थाको माध्यमबाट गरि अरुभन्दा फरक, अब्वल, एवं अग्रणि संस्थाको रुपमा स्थापित गराउनु यस संस्थाको प्रमुख कार्य रहने छ । सम्पूर्ण सदस्यहरुलाई आवस्यक सेवा एकै छानामुनि उपलब्ध गराउन संस्थाले आफ्नो भुमिका खेल्नेछ ।